火焰雞煲 @ 醉胡燼

火焰雞煲 @ 醉胡燼

尖沙咀柯士甸路20號保發商業大廈地舖

人均：$200-$300

評分：4分 (最高5分)

醉胡爐係枸士甸路大街，靜中帶旺，從地鐵走過來，或由理工行過去，大約要5-10分鐘車程。

朋友說這裡火鍋頗不錯，就拉住我過黎食啦~~~

火鍋湯式選擇目不暇給，火焰龍蝦海鮮鍋、太公魚魚頭鍋、蕃茄牛似鍋、四川麻辣鍋、蔬菜清湯等等，今晚我們選擇了近年係香港先興起的椰子雞煲 ($268)

選好湯底，侍應好快將醬料搬上來，有辣椒、麻醬、沙茶醬、莞茜、蒜泥、炸蒜蓉、老干媽辣醬?、青蔥。比較大眾化，實有一款岩大家。

本小姐較喜歡鼓油、少少辣椒、少少沙茶醬、莞茜、蒜泥、炸蒜蓉、青蔥。朋友們好恐怖，醬料份量以碗為單位，點食呀!!!!

餐廳會用霖酒炒生雞，雞隻約是例牌份量，也有椰肉及紅蘿白，用油炒一炒已飄來香氣，食指大動，可惜要忍住，未完成架~~

侍應加把火，一瞬間變成火海 - 火焰雞煲( O左嘴)

然後再加左成個椰青及雞湯滾約5-7分鐘 後，(千萬不能滾太耐，雞會變得好o鞋)，侍應就千叮萬囑要我地先飲湯，後再下料食火鍋

椰子雞湯香氣濃郁，味道鮮美微甜，營養價值高，飲完總會覺得好美顏，又養神

PS：2合1的湯匙好方便，又可以隔渣，又可以取湯

我的模特兒

我們的滿漢全席

什菌拼盤 $88：ok!!! 

胡爐豚拼盤$268：朋友唔食牛，我地叫左個高質豬肉，包括西班牙黑毛豬(雪花均勻的豚肉，非常有肉味)、豬頸肉(彈牙有勁！)及秘製蝴蝶腩(已煮過，口感似牛腩般軟腍，真係未食過，很不錯！)

PS：擺盤真係好靚！

黑松露蟹肉餃 $128

剛好4個人，1人1隻，1隻1口，是有很香的黑松露味道，有點絲絲蟹肉，有料到！但真在不夠喉，太少了，價錢較貴

鮮淮山 $38 ：新鮮爽脆

鮮魚蓉麵$48：絕對必點！大大份，新鮮好食又彈牙，足料好味，最重要係夾湯底！

除左火鍋外，仲有串燒及刺生，見到人地都食得幾滋味架。不過這裡唯一要改善就是服務了，人太少，客人多，很多時應接不暇，有種叫天不應感覺，如果將每張檯加個救命CALL，應該會好好多吧?