燉湯暖寒冬 蒸𠫂有點心@蒸廬
網址: https://s.openrice.com/QrbS0kM4800
地址: 沙田石門安群街3號京瑞廣場一期2樓225號舖
人均：$100-$250
評分：4.5
POST AT 1/2018
寒風襲港，香港市面有夜茶地方並不多，男朋友知我喜歡食點心，沙口石門有新店，於是叫埋朋友同我過一齊黎嘆一盅兩件同飲靚湯，心情變得靚靚了。 新店位置有D難搵，係京瑞廣場2樓的角落處。店鋪面積不大，卻不擠逼。透過玻璃睇到蒸氣霧瀰漫的廚房，只見到師傅影子
它們主打手工點心(味道唔似出面甘公式化)，即叫即蒸，唔好以為要等好耐，侍應們上菜速度都有效率的。
它們主打手工點心(味道唔似出面甘公式化)，即叫即蒸，唔好以為要等好耐，侍應們上菜速度都有效率的。
點心選擇與市面酒家差不多，加了點新元素，出品是頗不錯。
栗子蟲草花花膠燉雞湯 新店燉湯是主打之一，無添加啊，並提供5款選擇，好多人一入黎都叫一個，應該都好搶手。女生當然要呢款營養價值高，又養顏養肺的燉湯。內有乾粟子、蟲草花、雞及花膠等等，夠足料，味道清甜，飲完都不會口渴，講真宜家邊有時間係屋其燉湯飲架，飲完即刻覺得好補又滿足。
蝦子榨菜肉餅飯及香辣銀魚排骨飯 飄來陣陣荷葉香味，食物份量完全不要輕視，肉餅上灑上蝦子，啖啖肉，有咬勁，榨菜又令大家都幾開胃架，結果我主力吞掉呢個，另外香辣銀魚排骨飯由男朋友及其他人搞掂，他話最鏗意魚仔的咸香，令成籠飯惹味多了，另意想不到是配以菜飯，感覺很清新。
臘味蘿蔔糕 我是真的驚訝它帶蘿蔔絲，有臘味、蝦米及冬茹，唔實死死，煎得香巧。 瑤柱蝦米煎腸粉 同蘿蔔糕一樣煎得香口，絲絲瑤柱，如果要比較，味道差不多，用料是勝過其他外間餐廳吧。
蒸廬蒸美點 唉．．其實點菜是男朋友做的，這個拼盤與之後叫的點心款式都相撞，可能他覺得唔夠分掛? 建議朋友仔睇清楚點心紙叫點心啊！叫呢個拼盤堅抵食，樣樣都有D，大大粒燒賣及餃皇、豆苗餃、叉燒包同馬蹄糕。特別一提，馬蹄糕非常非常清甜，叉燒包軟綿足料，推薦之一啊！
晶瑩蝦餃皇 粒粒有大大大大隻蝦，蝦味濃，彈牙又新鮮，好滿足，如果皮更薄就very good啦。
蟹籽燒賣皇 舖滿蟹籽燒賣脈卜卜(體積大過其他酒樓4分1
)，同樣跟蝦餃一樣彈牙，帶有陣陣香菇蝦味，已經唔駛理入面多唔多肥豬肉，食完真係非常邪惡。
)，同樣跟蝦餃一樣彈牙，帶有陣陣香菇蝦味，已經唔駛理入面多唔多肥豬肉，食完真係非常邪惡。
鮮蝦豆苗餃 豆苗餃好似花兒般送上來，皮有點厚，但豆苗清甜，蝦肉彈牙，比其他點心表現遜色。
魚肚冬菇雞札 小時候從來都唔食餡，第一時間當然爭住食腐竹，它入哂味，好好食。結果其他人就要執我「手尾」，將滑雞啦、魚肚啦、冬菇啦、芋頭啦包哂底，份量多又大件，食完人人都點頭。
老抽豆豉蒸排骨 排骨又肥又滑又好食，天使與惡魔並存，芋頭又香又淋，餸飯幾好。 價錢當然比茶樓便宜，詳情可睇我的點心紙，最重要是免加一，多人既話真係抵食夾大件架，如果得1個人都唔駛驚，蒸飯連燉湯約$86，合理架，不過實在太太太邪惡，卻有令我有繼續做運動的力量！
