綠茶控最愛奇蹟之班戟 @ Flipper’s

綠茶控最愛奇蹟之班戟 @ Flipper’s

銅鑼灣軒尼斯道500號希慎廣場6樓i.t blue block

人均：$125

評分：4 (最高為5分)

Flipper’s - 來自日本人氣班戟，過江龍黎到希慎已經一年了，人氣仍源源不絕！無論第一次過來，或是今次為了奇蹟之宇治抹茶班戟再次光臨，外面正在排隊人龍從來不滅！

感謝好朋友陪我過來再次朝聖，等了30分鐘，終有位座啦～～～

週年限定 - 奇蹟之宇治抹茶班戟是今期主打，必叫之一！(我就係為了它而過黎！)

今日主打：沙冰！

餐廳環境明亮簡潔

怕班戟等太久? 一邊充電，一邊等待，時間好快過

主角出場：奇蹟之宇治抹茶班戟 $139

班戟即叫即製，需等待20分鐘，見到班戟彈下彈下過緊黎，之前等待中鬱悶一掃而空！每客有2件大大的班戟，賣相吸引，口水流哂出黎啦！梳乎厘班戟鬆軟細緻，吃下去質感軟綿順滑，甚具空氣感，蛋香與綠茶味濃，兩者味道出奇地夾，不會覺得太有苦澀味，與抹茶雪糕或抹茶忌廉一拼地吃，口感更豐富之餘，意外地沒有很肥膩的感覺，也不會超級超級的甜，好好好好好食呀！

每客仲有日本直送士多啤梨大福餅，麻糬皮煙韌彈牙，皮厚餡足，厚厚抹茶蓉泥包住新鮮士多啤梨，香甜帶點甘味，獨特而層次更豐富，難以形容的好味！

全部都係抹茶！

全部都係抹茶！

全部都係抹茶！

全部都係抹茶！

全部都係抹茶！

全部都係抹茶！

全部都係抹茶！

FRAPPE - COOKIE $39

如果喜歡OREO味道，這杯一定岩哂你的口味！沙冰內有大量OREO碎曲奇，帶點朱古力醬， 香濃又冰凍，十分滿意！

FRAPPE - CAFE CARAMEL $39

以咖啡混入焦糖攪拌而祚，濃香咖啡較焦糖更出，所以不會太甜，比想像中好！

Flipper's 質素始終如一，雖然價錢有點偏貴，若然平時睇完戲，再過黎食下甜品，飲下沙冰，揮霍一下也是不錯的選擇！

無敵海景semi buffet @北角Cruise

無敵海景semi buffet @ 北角Cruise

地址: 北角北角邨里1號海匯酒店西座23樓

人均：$888 (+10% service charges)

評分：3.8分

酒店坐落於北角海旁，從地鐵過去只需3分鐘路程，十分方便。

7月中開張，萬眾期待。

今日受朋友之邀一同到酒店23樓cruise享受午餐。

酒店裝修雅致，餐廳落地大玻璃讓我們飽覽廣闊的海港景致，氣氛相當不錯！

Weekend供應semi buffet，$888（包香檳），除了叫主菜外，自助吧提供款式不多的食品，如沙律吧、巴拿馬火腿、甜品（馬卡龍、芝士蛋糕）、牛扒、多種串燒，質素不錯！

無限添似香檳（為了翻本就飲到夠吧！：P）

工作人員態度服務良好，主動細心，照顧我們所需，不用多說，他們會主動過來添飲

自助吧上的燒牛扒極度好食，餐廳將牛扒烤熟至7成，淡紅肉色很吸引，咬下香肉，肉汁濃郁軟腍，加點芥辣醬，回味無窮！即刻過去要多件！

其他炒菇、烤南瓜大慨是不過不失，不是不好吃，只是沒驚喜！

串燒類：雞肉球香嫩；豬腩肉加上檸檬汁，清新好食；最意想不到是蘆筍，非常清甜爽脆，要叫就趁早，很快就沒貨了。

基本上，食完自助吧，都已經飽左5成了！

海鮮拼盤+主菜（crab cake, beef cheek, egg Benedict)

由於我地有6個人，大家share食，可以樣樣都試d

海鮮拼盤：

蠔、鵝肝多士、魚子醬配餅乾、壽司類等，除了壽司覺得麻麻之外，其他都新鮮好味！

主菜：

Beef Cheek：

牛面頰用了多小時燜煮，口感超非常非常軟稔，香氣濃郁，味道好。

Crab Cake(極力推薦)：

外脆內軟，絲絲蟹肉，鮮味滿滿，十分足料，口感豐富又有咬口，好彩叫左2 SET，否則點分呢！(之後就慘了，食過呢間餐廳CRAB CAKE，其他餐廳真的不入流，總是差一點點)

Egg Benedict：

充滿蛋香，外型吸引飽滿，吃下去柔軟及具空氣感，上面鋪上魚子醬，豐富整體層次及原有味道，格調提高。

總結：精挑新鮮食材用料，餐牌上也是歐陸菜式為主，平凡中帶不一樣味道，挺出色！

超級抵食咖哩蛋包飯 @ 華記士多 (西灣河)

超級抵食咖哩蛋包飯 @ 華記士多 (西灣河)

西灣河筲箕灣道48號地下3B號

人均：$35-40

評分：4

東區恩物 - 咖哩蛋包飯 $3X 連飲品

以前住係東區甘多年，從來唔知有華記士多，突然，有次係FACEBOOK見到介紹，仲係我最喜歡的蛋包飯，當然要即刻去試一次，從此就愛上了！

華記士多係西灣河的巷仔內(係中國婦女會中學附近)，冇冷氣架(怕熱者慎重！)，街坊都係習慣坐係街邊，一邊吹風扇，一邊食飯，難以想係炎夏時是點頂住！

宜家餐牌通常係魯肉飯同咖哩蛋包飯為主，如果喜歡芝士的話，+$5就有，個人覺得唔值。

$36一個飯+餐飲，真係好抵食，平民學生之選！

0

等左冇幾耐，終於見到我的喜愛！

店主用日式咖喱醬汁，唔辣帶點甜味；蛋汁滑嫩，真係唔知東主用左幾多隻蛋去整，滿滿的滑蛋包住舊飯，見到已經好療癒了；內裡是中式雞肉炒飯，有別於其他餐廳既西炒飯，味道卻出乎意料地夾，飯粒唔會痴埋一舊舊，香濃好味，正！

食過一次就想念了，搞到宜家得閒都會過去幫襯~~~

再戰黯然叉燒飯及原盅佛跳牆 @尖沙咀利寶閣

再戰黯然叉燒飯及原盅佛跳牆 @尖沙咀利寶閣

尖沙咀彌敦道100號The ONE 17樓

人均：$250

評分：4.5 (最高是5分)

THE ONE最近搞左個美少女戰士展覽，為了重溫兒時回憶，決定過去打卡！突然諗起：「係wo！呢度都有利寶閣，好掛住上次係銅鑼灣食的叉燒飯同原盎佛跳牆呢！」於是，我同男朋友就搭lift上17樓了。

落地玻璃、水晶吊燈、無敵大海景！店內較小，但豪華有氣派的環境令我印象頗深！

餐牌介紹：

平有平食，貴有貴的道理，利寶閣確真比其他酒樓少少費，但他的菜式上用料相對落本，加，羊毛出自羊身上，呢一點可理解

相對來說，原盎佛跳牆及谷飼豚肉叉燒飯用料同樣較貴重，其實用$188的價錢，能吃上鮑魚、魚翅、花膠、貴價豚肉等，他們落足本，絕不欺場，火侯控制得宜，價錢真的合理。

谷飼豚肉叉燒飯

呢邊叉燒厚身又大舊，一口食唔哂架，肥瘦適中，又香又腍，加埋蛋汁及甜鼓油撈飯(呢邊冇豬油提供)，重溫味道，正！

原盎佛跳牆

出面真係好小機會食到架，無味精，湯底清甜，也有鮑魚、花菇、雞腳、魚翅等，甚有鮮味，好飲到停可了！

清新又帶點麻辣的小菜！

原本我想叫2set原盎佛跳牆及谷飼豚肉叉燒飯，點知男朋友極力阻止我，說想試多2個菜，少食多滋味wo，所以就聽聽話話叫多左以下兩個小菜：

肉絲煎兩面黃 $118

香脆，啖啖卜卜聲，好大份，其實.．．2個人又點會食得哂呢

極力推介：糖心宮爆蝦球 $128

錯有錯著！原本想食斑腩麻婆豆腐，睇落去好似好得意，點知冇咩豆腐，侍應建議我地叫呢個！

一款菜式，多種配搭，師傅用了葱段，姜片，蒜瓣，大干辣椒，花椒等炒合面成，蝦膠包住皮蛋炸香，另有黃金蝦(已脫殼)，肉質好彈牙好食，最重要是非常新鮮，兩者再點一點底下的甜酸汁(偏甜)，令我感到甜甜酸球，卻帶有麻辣味，味道幾得意。(不過真係有得食的地方不多架~~)

正！

肯定正過九龍那邊的炭爐煲仔飯@ 祥囍煲仔小廚

肯定正過九龍那邊的炭爐煲仔飯 @ 祥囍煲仔小廚

地址: 筲箕灣愛民街6-28號新利大廈地下4A-5A號舖

人均：$100

評分：4.8 (最高是5分！) 

(扣0.2分是皆因本小姐不太愛吃鱔炸:P)

隱世海鮮小店位於天悅廣場隔離小巷，若不是我地老細睇過有關facebook報導，之前係冬天去食過煲仔飯，要求幾高的老細都話菜乾湯好飲到不得了，令人印象深刻，我諗都幾難記得呢間小店的存在。 

店面不大，甘都有2層，店內叔叔們熱情好客，7點鐘時間尚早，港人應該未放工，餐廳內人客不多，所以就算叫煲仔飯，也不用像牆上標示所說的要需時30分鐘，實在幸運！

平價炭燒煲仔飯約$6x-$7x，仲有海鮮、雞煲、小菜選擇，價格絕對可以接受！

蒜蓉蝦膏炒通菜$58

較油膩，不過蝦膏香氣滿滿，令人食慾大增，食落去有點咸，卻好餸飯

沙拉焗肉排$72 

好邪惡的肉排，d沙拉醬多到似唔駛甘，肉質炸得香嫩，食唔停口！

主角出場 - 鴛鴦雞煲仔飯 $78 

燒到剛剛好，底層飯焦不會過於太「濃」/「焦黑」 了，好脆，好似食緊米通卜卜聲，淋上鼓油，米飯吸盡田雞及滑雞精華

對了！我估唔到會係滑雞+田雞，好耐都冇食啦，好鬼滑嫩！

主角出場 -鴛鴦鱔飯$88 

 鱔汁撈飯好好食，鮮魚香味四溢，肉質軟滑，沒有腥味，同樣帶點焦香的米飯好吸引，粒粒煙韌分明，就算淋上甜鼓油也是脆而不糊，這樣才是最好吃！

補眠滋潤的菜乾豬肺湯$78 

同事話，一窩好飲專業的菜乾湯，一定要用上新鮮白菜、菜乾，豬肺及豬肉才夠足料煲靚湯！呢個湯除左令人好眠，仲可以清熱潤燥，好好飲，想起口中就仍有餘香。。。 

一定有下次，感謝招待！

清爽水果茶@茶狼

清爽水果茶@茶狼

地址: 灣仔皇后大道東200號利東街地下G39號舖

人均：$30

評分：4 (最高是5分！)

茶狼出名用亞州茶葉做茶底，加上創意，吸引不少人幫襯！ 當日，我正正去左灣仔囍帖街的茶狼，cyber feel裝修，帶點型格cafe味道，旁邊有茶座，讓客人休息，食件蛋糕。幸運地人流不多，即刻可以落單！

第1次飲，叫哂有打「星」的飲品一定穩陣 

水果四季茶$36

用左亞里山綠茶做茶底，內有各款不同水果，味道清新爽涼，既健康又能飽肚！ 

碳焙烏龍奶蓋茶$30

好creamy ，入口順滑，濃濃甘香，烏龍茶又可解膩，果然是主打，很不錯！

呢度仲可以食蛋糕添，樣子都幾好食！

朋友諗住想係LUNCH再過來時，又是一條又一條人氣長龍，看來今次我倆真的很幸運 :P

「銅鑼灣第一」香脆咸豬手 @ Manecy's Studio Restaurant

「銅鑼灣第一」香脆咸豬手 @ Manecy's Studio Restaurant

地址: 銅鑼灣駱克道447-449號中威商業大廈1樓

人均：$200

評分：4 (最高係5分)

今晚是西班牙菜之夜，等埋男朋友放工，黎到駱克道附近餐廳試下味道！

正值晚上8點，呢度滿座了！等左一陣(建議大家記得係openrice訂位，有位之餘，有時見到會做9折)，被安排了靠近落地窗口梳化位置(寬敞又舒適，好感動！)，舒舒服服可以拍下拖，飲下酒，食下飯了~~~

環境幾好，昏暗燈光配上紅磚，我同男朋友面對面錯，感覺浪漫！

餐廳提供小食、簿餅、主菜（豬手、意粉）、及各種不同款式的手工啤酒，建議大家真係要飲一飲，就算唔識咩牌子，也可以讓侍應介紹，飲酒感覺特別能relax~~~

價格由$9x至2xx不等，中等，份量適中，若叫埋三五知己就可以試更多。

自家制蟹餅配蕃茄沙沙 $98

3件蟹餅熱辣辣地呈上，外表吸引，蟹肉略厭不足，帶有少許香茅味，似食比較實心的薯餅感覺，不過炸得算是脆香，連蕃茄粒及橄欖吃下去，整體幾特別。

銅鑼灣第一 ．德國咸豬手 $268（餐牌特別強調！）

原隻豬手好大份，以為D肉好硬，吃下去是意外的滑嫩又有汁，外皮好鬼脆，輕輕一咬就「卜」一聲吞下去，而呢道菜配上芥末醬汁，好岩我口味，如果喜歡酸酸甜甜的會更好，因為底部鋪滿酸菜、小蕃茄，另上酸瓜，好開胃架，結果我地兩個食完都勁飽，頗滿意。

 如果更大隻就更更更好了！

以前我剩係識飲cinda，宜家識飲埋呢個牌子Salitos了！呢款啤酒味道清新有勁，甜甜的好好飲，又解渴，侍應同我講，特登再雪凍D先比我架，真係好細心！

謝謝男朋友請客，今晚帶我黎呢度食飯真係好開心~~~

正宗抵到爛任食烤餅咖哩 @皇子印度餐廳

皇子印度餐廳

地址: 筲箕灣筲箕灣道251-261號都城大廈地下F舖

人均：$50

評分：4.5分

筲箕灣工聯會隔離小巷皇子印度餐廳搬左過黎筲箕灣道，宜家店鋪面積較以前大一半，相對客人好左，不過侍應仍然都係甘多，提醒大家要有耐性地等。 

點解呢度越做越旺？ 皆因最平$43/$48有一款咖哩及任食烤餅，仲要第一輪可以叫千層簿餅及薯仔烤餅(之後每次要+$8)，以同區比較，同一價錢卻沒有任食原則，一睇就知去邊度食好！

餐湯看似蕃茄蔬菜湯(次次都係飲呢個湯架)，香濃好飲

咖哩魚：比較香滑，陣陣蕃茄濃香，每舊魚都會再煎一煎，好好食

咖哩雞：雞件滑嫩，味道香濃

唔好睇每種咖哩隻色差不多，隻隻味都唔同，每次過來試一款，非常有新鮮感！

除了他們會應接不暇之外，有時會落錯order，有時空調不太夠外，其他都不錯！