任食韓燒款式多 平價好正食到飽@韓牛韓式燒烤
網址: https://s.openrice.com/QrbS0UCW700
地址: 旺角彌敦道601號創興廣場1樓
人均：$200-$300
評分：3.5(最高是5分)
突然想食韓燒，見到廣告講呢間係韓廚主理，位置又方便，係創興1樓，正好在旺角地鐵站附近，walk in黎到呢度了，幸好時間尚早，不用等位，被安排在卡位，座位闊落，沒有想像中油煙處處，意外地乾淨企理，環境都幾好。
任食真係唔怕食唔飽，但大家要記得不要浪費食物。餐廳食物款式多：甜品、雪糕、肉類、冷盤、熱食、湯、糖水、壽司刺生等，比一般任食韓燒選擇多，這裡最好是自取食物，唔駛寫紙仔，唔驚miss單搞到自己嬲豬豬。
除了食物外，汽水啤酒任飲，可惜本小姐不愛喝酒，頓時有點覺我唔抵 
有朱古力噴泉！有自助軟雪糕！
水果新鮮香甜！
餐廳有鹽、油、七味粉等讓大家自行添加調味。基本上都係點點鼓油就OK，有點失望是豆板醬失去蹤影了~~~
+$8有哈迪斯雪糕！
沙律好正！最喜歡拎新鮮生菜去飽住燒肉食
泰式甜品 - 椰汁糯米飯一定要食，其他都可以一試。
成日都比人拎哂刺身，幸好餐廳都幾勤力REFILL，總算有吃得上的機會，刺生算是肥美。另外，海鮮也有青口、蝦、螺肉、八爪魚仔等，蝦肉幾彈牙。韓式燒烤有這樣的選擇，給你一個讚！
前菜是我的最愛，尤其是芽菜、泡菜，不咸不太辣，就是剛剛好，好適合我們的口味。
餐廳還有各種不同素食及腸仔
呢度食肉獸就最岩：羊肉、五花腩、牛舌、牛肉、肥牛、海鮮、豬肉片、牛仔骨、牛柳粒等等，個人認為牛類是好食過其他品種，醃得剛好，肉質嫩，味道濃厚，所以最後我都係主攻牛食！
魚柳沒有冷藏味及腥味。
海鮮餅合格，但我食青菜時已有點涼，味道比想像中有差距。不要期望熟食係好好好好好正，味道是中規中距，但勝在選擇多，炒粉絲、少菜、炒蜆、炒蟹、炒蝦、炸物、豬手等等。
牛肉唔錯！
燒肉的好朋友 - 生菜，包住黎食冇甘大罪惡感。
五花腩可以的，薄薄的，容易燒得香脆
我燒得幾好食架！對了，侍應好主動為大家換爐，呢點要讚！
最後，我最喜歡將牛肉、芽菜、洋蔥、茹類、泡菜炒埋一碟，是一個非常完美的結局！
總結
以二百價錢能食到各種不同的款式，價錢合理，但肉質係咪超超超好食，當然沒有其他餐廳散叫的質素，是一定是可以接受的味道，勝在樣樣都有，樣樣都可以試，REFILL勤力，唔會令客人失望。最重要離開時沒有成身油煙味真的很不錯，所以都幾值得大家去試下。
今晚的全家幅
