多元化車仔麵@豐味車仔麵

多元化車仔麵@豐味車仔麵

地址: 旺角通菜街2A-2P號鴻光商場地下 2J號舖

人均：$40

評分：4 (最高是5分)

做完facial，係女人街發現新開不久的車仔麵店，岩岩中午12點開鋪，當時客人不太多，可以比自己靜靜坐下來，慢慢食，慢慢諗。

呢度有港式車仔麵、麻辣燙及重慶酸辣粉選擇，想食清d又得，要四川勁辣亦冇問題，配料多達四十款，價錢由$28元起，滿$80可送外賣，離開時會比優惠卷，下次光顧會送餐飲一杯，令大家更有動力添食試下其他口味！

餐廳裝修簡約，可以面壁，又可以幾個人同檯食飯，冷氣強度夠，比起一般車仔麵店環境會較好，岩哂香港人！

4餸麵$49

實在太肚餓，叫左4個餸(豬大腸、魚肉春卷、雞中翼、蘿蔔)配粗麵 + 熱檸水，份量中規中距，我選的樣樣都有「叻」logo架，相信質素一定會較穩陣！

想當時，侍應見我諗咩餸的樣子太苦惱，她介紹左呢d餸外，仲提議叫腩汁+秘製辣汁(小辣)，結果．．．麵質爽口，湯式勁惹味醒神，差點都飲哂d湯了(本人是很喜歡飲湯底的人)

豬大腸：處理乾淨，香腍肥美，味道一絕。

魚肉春卷：外表好普通，每口都是魚香味，幾好。

蘿蔔：軟腍入味

雞中翼：雖不夠突出，但同樣入味夠嫩。

見到隔離檯碗酸辣粉好吸引，我估以$49來說，叫麻辣燙或酸辣粉的感覺會更抵，下次再黎！