平價親民無骨海南雞飯@孖B海南雞

平價親民無骨海南雞飯@孖B海南雞

地址: 筲箕灣筲箕灣道269號南華大廈地下E號舖

人均：$40

評分：4 (最高是5分)


開業1年多，專做外賣生意，以前好似係早餐、快餐店(好平架！)，連它執左都唔知，孖B也開左都唔覺，往往直奔它對面咖哩店食lunch。突然同事話叫我得閒去試下呢間餐廳，今日又真係得閒，咪去下law。

專做外賣，可以whatapps先訂後取，價格平均$38，對我而言，真心覺得平宜。

當我見到肉骨茶同海南雞時已經雙眼發光。

不過．．

點解要叫孖B呢? 我好想好想問店主，但店主有D COOL，所以想問出來的東西都收回來了

店內沒有奢華的裝修，本身都沒有堂食，見到店主簡單地放左張檯同2人座，有BB床、家居物品、大大埋膠碗膠兜就知道。

$38無骨海南雞飯

完完全全係抵食，+$20可轉細肉骨茶(唔要都得，是送清湯)，這是我在馬來西亞食肉骨茶的感覺，偏中藥味，但食到黑醬油的味道(個人覺得唔夠自然)，排骨肥瘦合適，軟腍不鞋口，仲有一幾舊油炸鬼，配料是比足的。

我再+$5轉雞脾肉，海南雞雞皮與肉自自然然分離，爽滑幼嫩，店家提供3種醬汁任撈，油飯粒粒添滿雞油面不黏身。

以這個價錢絕對比得起其他貴價餐廳。 可惜店內只臨時搭建2個座位，做外賣自取生意為主，如果能有送貨服務會更好！