用心出品 誠意可加@13 Food Angel

用心出品 誠意可加@13 Food Angel 

筲箕灣筲箕灣道356-358號海德堡地下B號舖

人均：$60-70

評分：4.5 (最高是5分)

Food Angel係筲箕灣道開左2個月，終於有機會過來啦！

 裝修雅麗，燈光昏暗，帶點派對氣氛，高檯梳化配搭，令人感到輕鬆！ 餐廳價格為$60-$70以內，lunch無加一(好似2點後及12點45分前結賬有9折)

是否可以租場搞派對呢？應該可以似酒吧？

忌廉湯十分足料，紅蘿蔔、蜆肉、蔬菜粒等等，豐富了口感，味道唔會勁濃，剛剛好，岩哂我，飲完唔會口渴！ 蒜蓉包香脆又大件，仲有2件甘多添！

F 野雞（半隻）及忌廉意大利飯 $68 

看似細細碟，原來份量好足！意大利飯又香又腍，帶點蘆筍及波菜？感覺不會太「濟」，清清甜甜，又有忌廉濃郁的香味，真係好好食！ 野雞有半隻，皮炸得香脆，雞件略乾，但雞比仔幾滑嫩，是不是因為雞部位不同而感受有所不同嗎？ 總言而之，仍有進步空間！

抵讚！使用環保飲管！支持環保！

我喜歡飲熱檸水，謝謝！ 事實上，出餐真的很慢，不過睇得出廚師是逐份逐份煮，每份作品亦加添不少心意，在細節上有花心思，可見他們是很有誠意。 非常期待下次再黎！

PS：侍應反應較慢，效率不高，在這裡要減少少分數，有次大肚已有8、9個月BB同事黎到，侍應竟然叫她座高櫈，叫她點坐呢? 好笑住話可以等下時，竟然冇工作人員理會她，她嬲到走左。畢竟呢間餐廳是我建議她去，她有這樣的體驗令我有點難過，希望是當中溝通有誤會吧！不過要真的改善一下，希望不要再發生。