好玩好食的型格新酒吧 @ DK Bar & Restaurant
地址: 尖沙咀金巴利道40號MW Plaza 2樓
人均：$200
評分：5(最高為5分)
呢間型格酒吧係金巴利道 MW Plaze開左幾個月，剛好在諾士佛臺對面，位置方便，朋友之前睇世界杯時黎過，話要今日再帶我過來見下世面 
想同調酒師有更深入溝通？坐吧檯，傾下計最實際 😂
型格酒吧，環境理所當然地昏暗，度度都係無敵大電視（數量多到好誇張），能幻想到360度睇波的快感，加上落地玻璃設計，坐在窗邊是必需的，少了坐係街邊的人來人往，在梳化椅上休息hea飲，缺了煙毒的味道，意料之外感到舒舒服服。
成間餐廳都係遊戲設施，如卡拉ok 、掉乒乓球檯、鏢機等等，相信一大班朋友黎度（有獨立房架！），既可以摸杯底、談談心，又可以熱熱鬧鬧玩games，唔會悶死人
我還停留在小食要比$的年代，原來宜家係免費。 酒吧所提供的主菜及飲品質素都唔錯，尤其happy hours（4-9pm)都幾划算，仲可以順道享受晚餐。
店員推介-香煎帶子、干貝、櫻花蝦特色意粉
兩隻大帶子，煎得香口好吃，意麵炒得爽滑而不腍，帶點少少辣勁，再配合櫻花蝦及干貝炒在一起，豐富口感之餘，鮮味突出，亦好惹味。不過份量是剛剛好1人份，男生可能會覺得不夠飽。
店員推介 - 燒魷魚
好大份的魷魚，燒的乾身，肉質新鮮又彈牙，好香口，配啤酒小吃一流！
Rudy Red
集蘋果汁、士多啤梨，血橙、薑、檸檬汁等等沙冰，賞心悅目，香甜清爽，飲下去好幸福呢，不過要快速地飲（小心好好好凍），沙冰融化速度都幾快！
PS: 原來部份水果未到貨，差點飲唔到呢杯mocktail，但店員專登走出去買，仲非常有禮貌地跟我們抱歉，我都頗感謝他們，因為反過黎諗，其實他們大不了可以說沒有提供，但他們盡力滿足我地期望，仲間唔中走過來同我地傾下計，真心覺得他們所提供的服務好好。
Fresh Fruit Margarita
朋友笑我點呢杯太old school啦！我才不理會他～～ 杯邊早已灑上鹽，與酒內清爽而帶點甜的味道及濃烈酒精，兩者衝擊著味蕾。 我以前真係好小好小去酒吧，原來宜家酒吧係食得玩得又坐得，謝謝朋友今期帶我大開眼界，下次我飲番杯潮d的cocktail 。
部份餐牌：
