多國料理Hea得特大份量西餐廳@老爹

多國料理Hea得特大份量西餐廳@老爹

網址: https://s.openrice.com/QrbS0die800

地址: 上環皇后大道西2-12號聯發商業中心1樓A區

人均：$150

評分：4

機械人也會歡迎光臨?!

放工後娛樂，就是搵食！自港鐵於西環通車後，這邊人氣愈來愈旺，餐廳愈開愈多，老爹開張不久，最貪吃的我當然要化食大偵探，試試味道! 

可能是新開張關係，人流不算多，整個空間差不多由我獨享，正！餐廳簡潔明亮，最愛在窗邊慢慢食，慢慢嘆。侍應效率幾高，坐下立即遞餐牌，一個眼神傳過去就即時過來點餐，唔錯！

餐牌選擇多，有西式、日式及泰式，還有各款特飲，由於肚子打哂鼓，讓自己點一份歐陸式什扒餐$158， 鋸一 鋸扒，慢活一下。

羅宋湯偏酸，足料，大大粒牛肉浸係湯度，味道濃香。蒜蓉包更勝一籌，香香脆脆的，可惜只得一塊

蜂蜜蘆薈綠茶(跟餐+$5特色飲品)

茶底清香，加左粒粒蘆薈，咬在嘴裡幾有口感，是消暑清涼的健康飲品！

歐陸式什扒餐$158

侍應搬過來時，哇！色香味俱全，1份什扒是2人份量，原覺得呢份什扒價格有點貴，見到實物就覺得抵，有牛扒、豬扒、雞扒、腸仔、沙律菜、青瓜炒粟米及薯角，大大份，配上黑椒汁，齋睇都覺得又正又惹味！

肉眼扒，是厚身的，外層用牛油煎到香脆，內裏還保持少少粉嫩的肉色，冇筋，口感軟腍，尚有肉味；豬扒明顯以蜜糖再煎香，很不錯；雞扒滑嫩；配菜質素幾好，睇得出餐廳不會做得馬馬虎虎，沙律菜是新鮮，青瓜炒粟米不失色，極脆口薯角更是熱辣辣做起，真心讚！

整體效果幾好，唯一扣分地方是地點有點麻煩！

餐牌參考：